Sawal la giled’a 72:15 - Bible azumeina

¹⁵ Ar va mi lum mbi! Ar a hum lor ra Saba-d’a, ar a tchen Alona kam kur burâ kaf, ar a tchen Alona kam burâ ki burâ ala mi b’e vunam kamu.

Sawal la giled’a 72:15 ပူးပေါင်းရင်းမြစ်များ

1 Amuleina 10:10

Bugola, amul la Seba-d’a ti hamulâ Salomon lora go ki tonna hindi ki nusa ki mbul ma his ma afufuîna ngola kahina d’a guzut kal teglesa teteng mi. Kur bur máma dei gak ini, sa nga bei mi mba ki mbul ma his ma afufuî ma hina na yam ambas sa Israel-la ba.

1 Amuleina 10:14

Lor ra a nga mbat mi Salomon avo Jerusalem kur biza d’a tud’id’a ni tonna dok mbà,

2 Sunda Hamuleinid’a 9:1

Amul la Seba-d’a ti hum zla Salomon, ti mba Jerusalem á kugum ki ne mamba, ti djobom yam zla d’a mudurid’a mi. Ti mba kazungeî matna ablaud’a ki djambala ad’ud’u, ti yoï mbul ma his ma afufuîna ki lora aneka ngola kahina d’a guzut kal teglesa teteng. Ti mba gen Salomon, ti djobom yam zla d’a ndat minit kuruta pet.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Matiye 21:9

Ablau suma a nga tit avoroma kablau suma a nga tit blogoma, a nga er ad’uzi akulo ala: Suburi David goroma. Ar Alona mi b’e vunam yam sama nga mi mba ki simiyê Ma didinina. Suburi Alo ma sä akulona.

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

1 Tasaloni’â 3:11

Ar Alona Abui tamba ki Saleina Jesus a malami lovota avoromi á iza hatagiya.

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

1 Jean 1:2

Ata yima Ari ndata ti nde woina, ami wamiziya. Kayam ndata, ami nga dagiya, ami nga lagi glangâsâ yam ari d’a didin nda nga zlapa kAbui adjeu dei d’a nde tat tei iramid’a.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.