Sawal la giled’a 72:10 - Bible azumeina

¹⁰ Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Sawal la giled’a 72:10 ပူးပေါင်းရင်းမြစ်များ

Ad’u Tinda 10:7

Kus groma ba wana: Saba, Havila, Sapta, Rayema ki Sapteka. Rayema groma ba wana: Seba ki Dedan.

1 Amuleina 10:1

Amul la Seba-d’a ti hum zla Salomon, ti mba á kugum ki ne mamba, ti djobom yam zla d’a mudurid’a.

1 Amuleina 10:10

Bugola, amul la Seba-d’a ti hamulâ Salomon lora go ki tonna hindi ki nusa ki mbul ma his ma afufuîna ngola kahina d’a guzut kal teglesa teteng mi. Kur bur máma dei gak ini, sa nga bei mi mba ki mbul ma his ma afufuî ma hina na yam ambas sa Israel-la ba.

1 Amuleina 10:2

Ti mba Jerusalem kazungeî matna ablaud’a ki djambala ad’ud’u, ti yoï mbul ma his ma afufuîna ki lora anek ngola kahina d’a guzut kal teglesa teteng. Ti mba gen Salomon, ti djobom yam zla d’a ndat minit kuruta pet.

1 Amuleina 10:25

Sama lara pî adigazi nga mi mbam ki he d’a hawad’a, nala, ahle suma a lazi ki kawei ma hapmina, ahle suma a lazi ki lorina, baruna, ahle suma dur ayîna, mbul ma his ma afufuîna, akulumeina ki koro ma akulumei akulumeina mi. A nga le hina bizad’a ki bizad’a.

2 Sunda Hamuleinid’a 9:21

Amulâ mi nga ki batod’a ablaud’a nga d’i i Tarsis zlapa kazungeîna hi Hiram-ma. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

Ester 10:1

Amulâ Asuwerus mi tin tara yam suma kur ambasina, yam suma kur tilina mi.

Sawal la giled’a 45:12

Ar amulâ tam mbi lum djivid’a yam djif ma’â. Kayam mam mi sala’â, ndak hum ngola.

Sawal la giled’a 68:29

Alo mamina, ang tagami ad’eng manga woyo, ang tagamizi woi d’igi ang lat ki sed’emi adjeu na.

Sawal la giled’a 68:30

Ang nga tamula kur gong mang nga Jerusalem-mba; amuleina a mba á hang he d’a hawad’a.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.