Sawal la giled’a 71:3 - Bible azumeina

³ Ang mbut nahina man nda an ngei tan kuad’a, ni yima ang he vuna kam ala an i kua teteu á sut tanu na, kayam angî ahina manda ki gulumun man ma ngei tana.

Sawal la giled’a 71:3 ပူးပေါင်းရင်းမြစ်များ

Sawal la giled’a 144:2

Mam mi ma lan djivid’ina, mam mi yima ad’eng ma ngei tana, mam mi gulumun ma kana, mam mi man ma suta, ni mbarei manda, mam mi yima an ngei tan kuana, mam mi ma hulongôn yam sum mana kä avorona.

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 18:3

Ma didina nahina man nda ndjununda, ni gulumun ma ad’eng ma sud’una; Alo mana nahina man nda an ngei tan kuad’a, mam mi mbarei manda, mam mi ad’eng man nda sud’unda, mam mi yima an sut tan kuana.

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Sawal la giled’a 44:4

Azi hlambasa nga ni ki durâ d’i, azi kus ayîna nga ni kad’eng mazid’a d’uo mi. Wani ni kad’eng manga, ang tin irang kaziya, kayam me ang hurung vaziya.

Sawal la giled’a 68:28

Gola! Andjafâ hi Benjamin ma gorâ ni ma nga avorozina, suma avok suma hi Juda-na kades mazina sä kamu, suma avok suma hi Zabulon-na ki suma hi Neftali-na sä blogozi mi.

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Sawal la giled’a 90:1

Wana ni tchen nda Moise sana hAlonina mi tcheneta. Salad’a, angî yi mami ma ngeid’a kur atchogoi d’a lara ge pet.

Sawal la giled’a 91:9

Kayam Ma didin ma sä akulo ma kal teglesâ ni yi mang ma ngei tangâ, ang mbud’umî yi mang ma kaka.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!