Sawal la giled’a 71:18 - Bible azumeina

¹⁸ Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Sawal la giled’a 71:18 ပူးပေါင်းရင်းမြစ်များ

Ad’u Tinda 27:1

Wani Isak mi mbut mamara, iram nga we d’i, mi yi gorom ma ngolâ Esau ala: Gorona! Esau mi humum ala: An huma!

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sawal la giled’a 48:14

Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Sawal la giled’a 71:9

Ki tchetchemba, an djeng wa mamara da’, ar ang noyôn ndei d’i, ata yima ad’engên nga d’uo na, ang aran ndei d’uo mi.

Sawal la giled’a 78:4

Ei mba ngeyeizi mi gureina d’i. Wani ei mba dei woi mandjaf ma nga mi mba bugolâ, yam subura hi Ma didinid’a, yam ad’eng mamba ki sun nda ndandal la mam lata mi.

Sawal la giled’a 78:6

Kayam azi had’at mi suma kur atchogoi d’a nga d’i mba bugola, grozi suma a mba vud’uzi ndazina a tchol a dat tei mi grozina

Buzuk ka Abud’a 13:8

Kur bur máma agi mba dagi mi grogina ala: Ni vama ge humba yam vama Ma didina mi lum ki sed’emi kid’a mi buzugumï woi kur ambas sa Ezipte-d’id’a.

Isai 46:4

Gak agi mbud’ugi momorogeid’a an nga ni na. An mba ni ndjunugi gak yagi d’i ndeî abusa, an mba ni zigiya, an mba ni hulong zigi kua, an mba ni ndjunugiya, an mba ni sud’ugi mi.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Sunda hi suma a sunuzinid’a 13:36

Bugol la David mi le sunda kur atchogoi mamba kur minda hAlonid’a led’a, mi mid’a. A tozom gen abuyom ngolo, mi tchima.

1 Samuel 4:15

(Eli bizamî dok zlengâ yam klavandi, iram nga d’i we d’i.)

1 Samuel 4:18

Ata yima sa máma mi yi simiyê zandu’â hAlonina, ata yi máma na wat, Eli mi nga kaka yam zlamba, mi puk kazigam kä avun gong nga kud’ora; mogunom pad’a, mi mid’a, kayam mi naneka, bizam kal ngolâ heî mi. Mi kak ma ngolâ yam Israel-lâ bizad’a dok fid’i.