Sawal la giled’a 69:21 - Bible azumeina

²¹ Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.

Sawal la giled’a 69:21 ပူးပေါင်းရင်းမြစ်များ

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 8:14

Suma Juda-na a dala: Ni kayam me ba, ei arei kaka hina ndje ge? Ei togeya, ei i kur azì ma nglo ma ad’eng ma ngunguna, ei boi sä kua, kayam Ma didina Alo meina nga mi dabei woyo, nga mi hei mbiyo ma tchi matna kayam ei lei tchod’a avoromu.

Jeremi 9:15

Kayam ndata, an Ma didin ma ad’engên kal petna, Alona hi Israel-lîna, nga ni he te ma aglarâ mi sum ndazina, an mba ni hazi mbiyo ma tchi matna á tched’a mi.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Matiye 27:34

Azi hum süm guguzlud’a gizeîd’a ki mayaûna, wani kid’a mi djugumba, mi tchum mbuo.

Matiye 27:48

Atogo hina zak, ma dingâ adigazi mi ringâ, mi hle eposâ oîd’a ki süm guguzlu ma azleîna. Mi nigim avun tchereuna, mi humzi ala mi tche.

Marik 15:23

Azi hum süm guguzlud’a gizeîd’a ki mir ala mi tche, wani mi vum mbi.

Marik 15:36

Ma dingâ adigazi mi ringâ, mi oî eposâ ki süm guguzlu d’a azleîd’a, mi nigim avun heleud’a, mi humzi á tched’a. Mi dala: Ar djang! Le Elie mi mba ini á pad’am kä ni, ei weya.

Wana ni Zla d’a Djivi d’a Luc mi b’irita 23:36

Azigarâ a nga lazam hina mi, a mba a hum süm ma azleina,

Gat ta a hat á mbàd’id’a 29:18

Ar sa adigagi mandjuf foze atcha d’oze andjaf foze ades mi ar Alo meina ini woi á hulong á kud’or alona handjaf sum ndazina d’i. Ar sa adigagi mi mbut d’igi sidei agu ma aglarâ na d’uo mi.