Sawal la giled’a 68:4 - Bible azumeina

⁴ Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Sawal la giled’a 68:4 ပူးပေါင်းရင်းမြစ်များ

Sawal la giled’a 104:3

Ang nga min aziyang akulo yam mbina, ang mbut d’ugula d’igi pusâ hakulumeinina na, ang nga dal akulo yam simetna.

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Sawal la giled’a 5:12

Ar suma a deng tazi atangâ pet a le furîd’a; ar azi le hur ma hapma burâ ki burâ, kayam ang nga ngomoziya; ar suma a le yam simiyêngâ a le furîd’a kangû.

Sawal la giled’a 66:2

Agi hlagi sawala á gilegi simiyêm ma subura, agi suburum ki sawal la giled’a.

Sawal la giled’a 66:4

Suma yam andagad’ina pet a grif kä, a gileng ki sawala, a gileng simiyêng mi. Tchol ndjö

Sawal la giled’a 67:4

Alo mamina, ar andjaf suma a suburungû, ar andjaf suma pet a suburungû.

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Sawal la giled’a 97:11

B’od’a nga d’i b’o yam suma d’ingêrâ; suma huruzi d’ingêra a nga le furîd’a mi.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Buzuk ka Abud’a 6:3

An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Zla d’a d’ogolâ 10:28

Hur ma tinda hi suma d’ingêrîna ni furîd’a, wani hur ma tinda hi suma asa’atnina mba mi dap pei hawa.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 40:3

An hum dela nga d’i dei ala: Agi minigi lovota mi Ma didina hur fulâ, agi minigi lovota d’ingêr hur ful ma gangrasâ mAlo meina.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Gat ta a hat á mbàd’id’a 33:26

Moise mi de kua ala: Jesurun, alo ma ding ma d’igi Alo mangâ na na nga d’i. Nga mi djï kur akulod’a á ndjunungû, nga mi tit kur d’ugula ki subur mamba.