Sawal la giled’a 68:29 - Bible azumeina

²⁹ Alo mamina, ang tagami ad’eng manga woyo, ang tagamizi woi d’igi ang lat ki sed’emi adjeu na.

Sawal la giled’a 68:29 ပူးပေါင်းရင်းမြစ်များ

1 Amuleina 10:10

Bugola, amul la Seba-d’a ti hamulâ Salomon lora go ki tonna hindi ki nusa ki mbul ma his ma afufuîna ngola kahina d’a guzut kal teglesa teteng mi. Kur bur máma dei gak ini, sa nga bei mi mba ki mbul ma his ma afufuî ma hina na yam ambas sa Israel-la ba.

1 Sunda Hamuleinid’a 29:3

Wani yam hat hur man ma yam gong nga kud’ora hAlo manid’a, an he lora ki kawei ma hapma suma an ni nga ki na, bei ndum ahlena pet suma an minizi yam yima a tinim iram vama ba.

2 Sunda Hamuleinid’a 32:23

Suma ablaud’a a mba ki he d’a hawad’a mi Ma didina ki he d’a hawad’a ngola mi Ezekiyas amul ma Juda-na mi. Tin ad’ud’a kur bur máma dei, andjaf suma a nguyuma pet a nga hum ngola.

2 Sunda Hamuleinid’a 32:33

Ezekiyas mi mit mi i kä azulei ad’u abuyom ngolo, a tozom ata yima akulo nding ma kal tegles ma a tos David andjavam kuana. Suma Juda-na ki suma a nga kaka avo Jerusalem-ma pet a suburum kur mat mama ngola. Goroma Manase mi vrak tamula blangâmu.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Sawal la giled’a 45:12

Ar amulâ tam mbi lum djivid’a yam djif ma’â. Kayam mam mi sala’â, ndak hum ngola.

Sawal la giled’a 76:11

Gagazi, ayîna hi sumina mba mi suburungû; suma a prut tei abo ayî mangîna a mba le furîd’a ki sed’engû.

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.