Sawal la giled’a 66:12 - Bible azumeina

¹² Ang ar suma a kal kami djangâ kakulumeina, ami kalami aduk akud’a ki mbina mi, wani ang pad’ami woi kur á b’lengêmi hurumiya.

Sawal la giled’a 66:12 ပူးပေါင်းရင်းမြစ်များ

2 Samuel 15:17

Amulâ mi nde woyo; suma pet a i ad’umu, a tcholza woi kel azina.

Wana ni mbaktumba hi Job-pa 36:16

Alona mba mi pad’ang ngei kur ndak manga, mba mi tining ata yima djivi ma bei va mi lang kua ba na, yam tabul mangâ, mba mi oî kahle suma mbulâ mi.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 33:19

á sud’uzi woi avun matna, á ndjunuzi á kak karid’a ata yima baktarad’ina mi.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Daniel 3:26

Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Jacques 5:11

Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.