Sawal la giled’a 64:3 - Bible azumeina

³ Ang prud’un ndei abo zla d’a ndjak vuna hi suma asa’atnid’a, abo suma a ndjak vunazi kana ki suma batrangâ mi.

Sawal la giled’a 64:3 ပူးပေါင်းရင်းမြစ်များ

Sawal la giled’a 11:2

Gola! Suma asa’atna a nga gan yeû mazid’a, a nga tinit irat ata ziyot á yet suma d’ingêrâ kur nduvunda.

Sawal la giled’a 141:9

Ang ngomon ndei avun dau ma a gunum kä avorona, ang ngomon ndei abo suma a nga le sun nda d’ingêra d’uo suma a burun kä na mi.

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Sawal la giled’a 58:7

Alo mana, ang kuzuzi siyazi woi avunaziya. Ma didina, ang kus aging azlo máma woyo.

Zla d’a d’ogolâ 12:18

Sama mi tchit wü na, mi tchok sana mbilâ ni d’igi mbigeu d’a fiyaka na, wani zlad’a hi suma ned’id’a ti tchil sana ni tchila.

Zla d’a d’ogolâ 30:14

Suma dingâ a nga, siyazi mi ni d’igi mbigeu d’a fiyak ka siyat mbàd’a na, agingâzi ti ni d’igi mbigeud’a na á b’lak suma hohou suma kur ambasina woyo, á tchi suma kid’aka woi aduk suma mi.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.