Sawal la giled’a 57:8 - Bible azumeina

⁸ Iran ndi d’igil wa, Alo mana, iran ndi d’igil wa, an mba ni hle sawala, an mba ni gileng mi.

Sawal la giled’a 57:8 ပူးပေါင်းရင်းမြစ်များ

2 Sunda Hamuleinid’a 20:28

A kal avo Jerusalem, a nga bu ading ma nglona kading ma gureina kaduveina gak a mbaza avun gong nga kud’ora hi Ma didinid’a.

Sawal la giled’a 150:3

Agi gilegizi kadifa, agi gilegizi kading ma ngolâ ki ma gorâ mi.

Sawal la giled’a 16:9

Ni kayam ndata ba, hurun oî ki furîd’a, tan nga lan djivid’a, tan tuk halas mi.

Sawal la giled’a 27:6

Ki tchetchemba, an hle yan akulo yam man suma djangû suma a nguyuna, an mba ni he vama ngat buzuna ki furîd’a ngola kur zlub’u mamba, an mba ni ge sawala, an mba ni gile Ma didina mi.

Sawal la giled’a 30:12

Ang mbud’un wa tchi mana sanda, ang fogon wa dodor manda woyo, ang tchugun wa baru d’a vun tilâ atanu,

Sawal la giled’a 43:4

Hina wani, an mba ni i ata yi mang ma ngal ahle suma ngat buzuna gen ang Alo man ma furîd’a ki hur ma hapma. Ang Alo mana, an mba ni gileng kadingâ.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Sunda hi suma a sunuzinid’a 2:26

Ni kayam ndata ba, an nga ki hur ma hapma, tan nga d’i lan djivid’a, tan mba d’i tuk halas kayam an ni tin hurun ni kangû,

Suma ka sariyad’a 5:12

Ndak Debora, ndak tchol akulo, ndak tchol akulo, ndak i avogo, ndak hle sawala tu! Ang Barak Abinowam goroma, ang tchol akulo, ang yo suma magomba!