Sawal la giled’a 56:10 - Bible azumeina

¹⁰ Fata an mba ni yang á ndjununda, man suma djangûna a mba dadak bugol kazigaziya. Ata yi máma an mba ni wala ang Alona, ang nga ki sed’enu.

Sawal la giled’a 56:10 ပူးပေါင်းရင်းမြစ်များ

Ad’u Tinda 32:11

An nga ni tchenengû, ang sud’un ndei abo wiyena Esau, kayam an nga ni le mandarâ abomu, kayam mam mba mi tchan grona kasuyoziya.

2 Sunda Hamuleinid’a 18:31

Kayam ndata, ata yima suma nglo suma yam pus ma dur ayînina a we Josafat-na, a dala: Wana namul ma Israel-lâ, a nguyum á durâ. Wani Josafat mi yi Ma didina á ndjunumu. Ma didina mi ndjunumu, mi digizi woi kamu.

Sawal la giled’a 118:6

Ma didina mi nga kanu; an nga ni ring mandar ri. Suma a mba lan ni me ge?

Sawal la giled’a 124:1

Ni sawala hi David ta suma a djak Jerusalem á lü vun tilîna a hlata. Ar Israel-lâ a dala: Ladjï Ma didina mi nga ki sed’ei d’uo ni, ei mba lei ni nana ge?

Sawal la giled’a 124:2

Ladjï Ma didina mi nga ki sed’ei d’uo ni, ata yima suma a tchol á duri

Sawal la giled’a 56:4

Bur ma mandarâ mi lana, an tin hurun ni kangû.

Sawal la giled’a 60:6

Ang ge hum suma a lang mandarangâ, kayam a ring ngei avok suma a nga mba atazi á durâ ki yeûd’ina. Tchol ndjö

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

2 Pierre 1:4

Kayam ndata, mi hei vun mam ma hle ma ngol ma guzum kal teglesâ, kayam agi vagi vama mam hlagi vunam kama, á prud’ugi tagi woi kur d’od’ok ka b’lak ka nga d’i te yam duniyad’id’a, á mbud’ugi d’igi mam na mi.