Sawal la giled’a 52:3 - Bible azumeina

³ Ang sama le suma kad’eng mangina, ni kayam me ba, ang subur tang yam tcho mang nga led’a na ge? Od’a hAlonid’a ti nga ni burâ ki burâ.

Sawal la giled’a 52:3 ပူးပေါင်းရင်းမြစ်များ

Sawal la giled’a 62:4

Agi suma, ni gak mindja ba, agi mba togogi tagi yam sana á zud’um kä d’igi gulumun ma nga mi leng kä na, d’oze d’igi gulumun ma nga mi i weta kä woina na ge?

Zla d’a d’ogolâ 21:10

Sama asa’atna djib’er mamba ni yam tcho d’a led’a, nga mi we hohowa banam mbuo mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 9:8

Sinazi ni d’igi yeû d’a zala na. A de ni zla d’a kad’a. Azi nga de zla d’a djivid’a mi ndrozina ni ki vunaziya, wani huruzi krovo a gunuzi ni dauna kä avoroziya.

Mise 3:2

Wani agi nga noyôgi vama djivina, agi nga lagi yam vama tchona, agi nga hôgi babak suma woi ki hliwizi gak arazi asogozi woi pid’agi!

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.