Sawal la giled’a 51:6 - Bible azumeina

⁶ An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Sawal la giled’a 51:6 ပူးပေါင်းရင်းမြစ်များ

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Wana ni mbaktumba hi Job-pa 32:8

Wani gagazi, Muzu’â mi nga kur sana; ni muzuka hi Ma ad’engêm kal petnid’a ba, ti he sana wad’ud’a.

Wana ni mbaktumba hi Job-pa 38:36

Ni nge ba, mi tin ned’a kur sana krovo ge? Ni nge ba, mi he wad’ud’a kur muzu’â hi sanina ge?

Sawal la giled’a 125:4

Ma didina, ang le djivid’a ki suma djivina, ki suma huruzi tuna mi.

Sawal la giled’a 15:2

Ni sama tit tit ta iratina, ni sama le sun nda d’ingêrina, ni sama nga mi de zla d’a gagazi d’a kurumba woina mi.

Sawal la giled’a 26:2

Ma didina, ang kugunu, ang golon djiviya, ang halan hurun yam min manda ki djib’er manda mi.

Sawal la giled’a 32:5

An dang wa tcho manda woyo, an ngei nga tcho manda kä d’uo mi, an dala: An mba ni de woi yam tchila manda avor Ma didina; kayam ndata, ang hlan wa aneka hi tcho mandid’a woi kanu. Tchol ndjö

Sawal la giled’a 41:5

Wani an nga ni dala: Ma didina, ang wan hohowonu! Ang tcholon akulo, kayam an le tchod’a avorongû.

Sawal la giled’a 5:9

Ma didina, yam d’ingêr manga ang tinin kur lovota abo man suma djangûna, ang blas lovot manga kä woi avoronu.

Zla d’a d’ogolâ 2:21

Kayam ni suma d’ingêrâ ba, a mba kak yam ambasa, ni suma iratna ba, a mba ar kaka kad’u.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Wana ni Zla d’a Djivi d’a Luc mi b’irita 11:39

Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Romê-na 7:22

An tan nga ni le furîd’a kurun krovo yam gata hAlonid’a.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.