Sawal la giled’a 50:23 - Bible azumeina

²³ Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Sawal la giled’a 50:23 ပူးပေါင်းရင်းမြစ်များ

Sawal la giled’a 120:1

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

Sawal la giled’a 22:23

An mba ni dang zlang ngei aduk b’oziyona, an mba ni gileng aduk ablaud’a hi sumid’a.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 27:6

Ki tchetchemba, an hle yan akulo yam man suma djangû suma a nguyuna, an mba ni he vama ngat buzuna ki furîd’a ngola kur zlub’u mamba, an mba ni ge sawala, an mba ni gile Ma didina mi.

Sawal la giled’a 34:5

An hal Ma didina; mam hulongôn humba, mam ndan ndei kur mandar mana pet mi.

Sawal la giled’a 85:13

Ma didina mba mi lei djivid’a, andaga meid’a mba d’i wul ahlena mi.

Sawal la giled’a 85:9

An min hum zla d’a Ma didina Alo mana mi data. Nga mi de zla d’a halasa mi mam suma d’engzeng suma iratna, kayam azi hulong kur lili mazid’a d’uo d’a.

Sawal la giled’a 86:12

Salad’a Alo mana, an mba ni gileng ki hurun pet, an mba ni suburung simiyêng burâ ki burâ.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Sawal la giled’a 91:16

An mba ni hum burum fiyaka, mba mi kak yam andagad’a tatâ, an mba ni tagam sut manda mi.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Wana ni Zla d’a Djivi d’a Luc mi b’irita 2:30

Kayam iran we wa Ma sut mangâ d’a.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Sunda hi suma a sunuzinid’a 11:14

Mam mba mi dang zla d’a ang mba fe ki sutid’a ki suma avo hatangâ pet mi.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 15:6

Ni hina ba, agi pet agi gilegi Alona Abu Saleina Jesus Christ ki djib’er ra tud’a ki vun ma tuna mi.

Romê-na 15:9

kayam andjaf suma dingâ a subur Alona yam we hohou mamba mi. D’igi mbaktumba hAlonid’a ti de na ala: Kayam ndata, an mba ni suburung aduk andjaf suma dingâ, an mba ni gileng simiyêng ki sawala mi.

Galat-na 1:24

Azi subur Alona ngola yam zla manda.

Galat-na 6:16

Wani suma pet suma a nga tit kur lovot ndatina, b’leng nga halasa ki we hohoud’a hAlonid’a a mba kak kaziya, nala, yam Israel ma gagazina hAlonina.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Jacques 3:13

Sama ne ma wad’u ma adigagina ni nge ge? Ar mi tak sun mam mba djivid’a woi ki tit mamba ki ge yam mba kä d’a woi ki ned’a.

1 Pierre 1:15

Wani agi kagagi ni suma yed’etna kur tit magid’a pet, d’igi Alo ma yagina ni Ma bei tchod’a ba na na mi.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.