Sawal la giled’a 5:4 - Bible azumeina

⁴ Ma didina, ki yorogod’a, ang nga humun delenu, ki yorogod’a, an nga ni min tan á tchenengû, an nga ni djubungû.

Sawal la giled’a 5:4 ပူးပေါင်းရင်းမြစ်များ

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 101:7

Sama mbut ira mba mi kak kur aziyan ndi. Ma ka zlad’a mba mi tchol avoron nduo mi.

Sawal la giled’a 11:5

Ma didina nga mi hal hur sama d’ingêrâ, wani nga mi noî ma asa’atna ki ma mi min murud’umba heîna woyo.

Sawal la giled’a 140:13

Ma didina, an we ang nga ka ir zlad’a hi suma hohoud’id’a, ang nga wal ir zlad’a hi suma houd’id’a ki d’ingêra mi.

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 63:2

Alona, angî Alo mana, an nga ni halangû, zlang nga d’i lanu, an nga ni hat hurun kang d’igi andaga d’a so d’a mbiyona nga mi ndagat tuo d’a na.

Sawal la giled’a 88:14

Ma didina, an nga ni yang ang ndjununu, ki yorogod’a, an nga ni tchenengû.

Sawal la giled’a 92:15

Kur mamarazi pî a nga vut kua, ambirizi nga, humazi nga d’i got mi.

Sawal la giled’a 94:20

Suma ka sariya suma tcho suma a tin gat ta ata yat tuo d’ina, a nga zlap tu ki sed’eng á ka sariyad’a zu?

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

2 Pierre 3:13

Wani Alona mi hle vunam yam akulo d’a awilid’a kandaga d’a awilid’a ni yima d’ingêra mba d’i kak kuana. Wana ni vama ei nga djubizina.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.