Sawal la giled’a 5:11 - Bible azumeina

¹¹ Alo mana, ang ngobozi yam tcho mazid’a! Ar zla mazi d’a azi minita ti vaziya! Ang digizi woi yam tcho mazi d’a ablaud’a, kayam azi ni suma bei humung vunang ba na.

Sawal la giled’a 5:11 ပူးပေါင်းရင်းမြစ်များ

Wana ni mbaktumba hi Job-pa 38:7

Nata yi máma ba, tchitchiu d’a yorogod’a ti hle sawala abo tat tu, malaika mana pet a hle sawala ki furîd’a ki delezi akulo mi.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Sawal la giled’a 35:27

Ar suma tazi lazi djivid’a yam d’ingêr mandina a le furîd’a ki hur ma hapma burâ ki burâ, ar suma a min halasa hazong mangîd’ina a de bei ara ba ala: Ei suburi Ma didina!

Sawal la giled’a 40:16

Suma a nga de kan ala: Tchuhu! Tchuhu! na, ar azi mbut mandarâ abo zulo mazina.

Sawal la giled’a 58:10

Avok ka azi bei wala ang mba gad’aziya d’a, ang fozi woi d’igi sana mi fo butna woi na.

Sawal la giled’a 65:13

Ang nga d’uf hat ma djivina hur fulâ; suma yam ahuniyôna a nga oî ki furîd’a mi.

Sawal la giled’a 68:3

Azi nga val lei d’igi andosâ nga mi val lei na; suma asa’atna a mba dap pei avok Alona d’igi dubangâ nga mi lau woi abo akud’a na mi.

Sawal la giled’a 69:36

Kayam Alona mba mi sut suma kur Siyon-na, mba mi min azì ma teteng ma Juda-na akulo, sum mama a mba kak kuru, azì máma mba mi arî mazina mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 2:9

Wani d’igi mbaktumba hAlonid’a ti de na ala: Vama sana mi wum nga d’uo mi humum nga d’uo mi na, vama sana mi djib’erem nga d’uo mi na, ni vama Alona mi minim yam suma a nga le kamina.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.