Sawal la giled’a 48:14 - Bible azumeina

¹⁴ Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Sawal la giled’a 48:14 ပူးပေါင်းရင်းမြစ်များ

2 Samuel 7:24

Ang mbud’um andjaf mangâ, kayam mi ka’î mangâ gak didin. Ma didina, ang arî Alo mama mi.

Sawal la giled’a 16:2

An nga ni de mi Ma didina ala: Angî Salad’a ma kal teglesâ; an nga ki vama djivi ma kalang angâ nga d’i.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Sawal la giled’a 31:14

An hum zla d’a tcho d’a suma ablaud’a a nga minit kanda; mandarâ mi nguyun ata yina pet. Ata yima azi nga ndjak vunazi kana, a nga hal lovota á tchan ndeyo.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Sawal la giled’a 73:24

Ang nga tagan gat manga, bugola, ang mba van atang kur subur manga.

Sawal la giled’a 73:26

Hliwin ki hurun a mbut amangeîd’a, wani ang Alona ni ma nga ndjununa, ni va man ma fe ma ki iran fafatna.

Zla d’a d’ogolâ 8:20

An nga ni tit kur lovot ta d’ingêra, kur lovot ta gurei d’a d’ingêra d’ad’ar,

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Hor ma tchina 3:21

Wana ni vama an nga ni djib’er kama, ni kayam ndata ba, an nga ki hur ma tinda ala:

Ndumba 9:22

Le d’ugula ti tchol yam zlub’ud’a ni burâ mbà d’oze tilâ sop poze bizad’a tu ni, Israel-lâ a ve kang mazina, a nga i d’i. Le d’i tchol tanda ni, azi i mi.

Jean 16:13

Fata Muzuk ma tak gagazid’a hAlonid’ina mbad’a, mba mi tagagi gagazid’a pet, kayam mam mba mi de zlad’a ni yam tam mbi, wani ahle suma mam humuzina pet ba, mba mi dagiziya, mba mi tagagi ahle suma a nga mbana mi.