Sawal la giled’a 48:1 - Bible azumeina

¹ Ni sawal la Kore groma a hlata.

Sawal la giled’a 48:1 ပူးပေါင်းရင်းမြစ်များ

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 147:5

Salad’a ni ma ngolâ, mi nga kad’eng nga kal papad’a, d’al mama ni ma bei dabid’ina mi.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 30:1

Ni sawal la David mi hlat ki furîd’a á mal vun gong mambid’a.

Sawal la giled’a 42:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 47:8

Kayam Alona namul ma ngol ma te yam andagad’a petna, agi gilegizi ki sawala.

Sawal la giled’a 65:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 78:68

Wani mi man andjafâ hi Juda-na, mi man ahina d’a Siyon nda hurum vat heîd’a.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 87:1

Ni sawal la gile d’a Kore groma a hlata. Ma didina mi tin azì ma Jerusalem-ma ni yam ahina d’a a tinit irat vata.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö

Sawal la giled’a 96:4

Kayam Ma didina ni ma ngol ma ndak á suburina; ni ma a ringîm mandaram kal alona petna.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Jeremi 31:23

Ma didin ma ad’engêm kal petna, Alona hi Israel-lîna, mi dala: Fata an hulongôzï woi kur magombid’a, a mba de yam ambas sa Juda-d’a kazì mat ma nglona ala: Yima kak ma d’ingêrâ, ahina d’a a tinit irat vata, ar Ma didina mi b’e vunam kagu!

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Mise 4:1

Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Matiye 24:15

Jesus mi had’azi kua ala: Kayam ndata, fata agi mba wagi Vama ndjendje ma b’lak kei ma Daniel ma djok vun Alona mi de kama, mi nga tchola ata yima a tinim iram vam ma kal teglesîd’a, ar sama ndumba mi wäd’u zla ndata djiviya.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.