Sawal la giled’a 47:5 - Bible azumeina

⁵ Mi manei andaga d’a djivid’a, tei nga lei djivid’a kad’u, ei nandjafâ hi Jakob ma mam le kama. Tchol ndjö

Sawal la giled’a 47:5 ပူးပေါင်းရင်းမြစ်များ

2 Samuel 6:15

David ki Israel-lâ pet a hleï zandu’â hi Ma didinina ki furîd’a kaduveina bud’a kazi wü.

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.

1 Sunda Hamuleinid’a 16:42

Heman azi ki Jedutun a nga bu adif fa nglod’a ki tchigiyeud’a kahle suma a buzi á hle ki sawala á he ngola mAlonina. Jedutun groma a ni suma ngom vun yima a tinim iram vam mi Ma didinina.

Sawal la giled’a 150:3

Agi gilegizi kadifa, agi gilegizi kading ma ngolâ ki ma gorâ mi.

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Sawal la giled’a 78:65

Ata yi máma Salad’a mi zlit akulo d’igi sama mi bur senina na, d’igi sama ad’eng ma mi tche süma mi er kad’um akulona na mi.

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Sawal la giled’a 98:6

Agi suburugi Ma didina amul ma ngolâ kaduvei suma nglona kaduvei suma gureina mi.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Josue 6:5

Le agi humugiya wa aduveina tchina ni, azigarâ pet a tum sora ki delezi akulo. Ata yi máma, gulumuna hazì ma ngolîna mba mi dris kä katamu. Azigarâ a mba tchuk krovo, nge nge pî ata yima mi nga vorom kama.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.