Sawal la giled’a 46:5 - Bible azumeina

⁵ Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Sawal la giled’a 46:5 ပူးပေါင်းရင်းမြစ်များ

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Joel 2:27

Agi mba wagi ala an nga aduk Israel-lâ, an ni Ma didina Alo magina. Ma ding nga d’i. Agi sum mana, agi mba mbud’ugi zulona d’uo d’a.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Sawal la giled’a 62:2

Nata Alona tu ba, an kak ki halasa; sut manda ti tcholï natamu.

Sawal la giled’a 112:6

Sa máma mba mi giget ti; simiyêm mba mi yi gak didin mi.

Matiye 18:20

Kayam ata yima lara ma suma mbà d’oze hindi a nga toka ki simiyêna, an nga adigaziya.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Ezekiyel 43:9

Ki tchetchemba, azi mba ar sun mazi d’a batranga woi avoronu, a mba hut mad’a amulei mazina woi dei ki sed’en mi. Ata yi máma an mba ni kak adigazi ki iran fafat.

Sawal la giled’a 62:6

Nata Alona tu ba, an nga kaka ki halasa; deng ta manda ti tcholï natamu.

Gat ta a hat á mbàd’id’a 23:14

Ar kang magina mi ka’î yed’et, kayam Ma didina Alo magina nga mi tit kur kangâ á ngomogiya, á dik magi suma djangûna woi avorogi mi. Ar mi we vama ndjendjed’a avo hatagi we ba, mi hulong ngei kazigam mbi.

Sawal la giled’a 37:40

Ma didina nga mi ndjunuziya, nga mi prud’uzi woi mi, nga mi prud’uzi woi abo suma asa’atna, mi sud’uzi kayam azi ngei tazi natamu.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Wana ni Zla d’a Djivi d’a Luc mi b’irita 18:8

An nga ni dagiya, mba mi kazi sariya mazid’a atogo. Wani fata an Gor Sana mba ni mbad’a, mba ni fe he gagazid’a yam andagad’a ko zu?

Sawal la giled’a 143:8

Ki yorogod’a ang aran an hum zla o mang nga bei dabid’a ba d’a, kayam an tin hurun ni kayam angû. Ang tagan lovot ta ndak an tit kuad’a, kayam an he tan ni mi angû.

Sawal la giled’a 125:1

Ni sawal la suma a djak Jerusalem á lü vun tilîna a hlata. Suma a deng tazi ata Ma didinina, azi ni d’igi ahina d’a Siyon nda nga d’i giget tuo d’a kaka hina ngingring gak didinda na.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Buzuk ka Abud’a 14:27

Moise mi hlabom akulo yam alum ma ngolâ. Kid’a yina ar go á fod’id’a, alum ma ngolâ mi hulongî kusa kä blangâm kad’enga bindit! Ezipte-na a nde tcha ringâ tata abo hep pa mi hebezi ped’eta. Wani Ma didina mi zud’uzi kä kur alum ma ngolâ atogo zak.

Buzuk ka Abud’a 14:24

Ki yorogo tcholola, Ma didin ma nga aduk d’ugul la aku d’a nga tchola gongzongina, mi gol kangâ hi Ezipte-na, mi mbud’um batuwak.

Ezekiyel 47:1

Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi.