Sawal la giled’a 46:3 - Bible azumeina

^3-4 Kayam ndata, le andagad’a giged’a, le ahinad’a yir gak i kä aduk alum ma ngolâ, le mbiyo aluma mi sulul akulo gak nga mi giget ahinad’a pî, ei nga lei mandar ri. Tchol ndjö

Sawal la giled’a 46:3 ပူးပေါင်းရင်းမြစ်များ

1 Amuleina 19:11

Ata yi máma Ma didina mi dum ala: Ang nde woyo, ang tchol akulo yam ahinad’a avoronu. An nga ni kala. Ata yi máma na wat, simat ma ngolâ mi mba sira bibik, ahinad’a wak kei sisirak avok Ma didina, wani Ma didina tamba nga aduk simet máma d’i. Bugol simetna, andagad’a yir gigidji, wani Ma didina mi nga aduk yir ndata d’uo mi.

Wana ni mbaktumba hi Job-pa 38:11

Nata yi máma ba, an dum ala: Ang mba i gak tchol ka hî na, ang kal lei kam mbi, abil mang ma ang sululum kad’engina mi kal lei kam mbuo mi.

Sawal la giled’a 18:4

An nga ni gile Ma didina, kayam me ata yima an yuma mi sud’un ndei abo man suma djangûna.

Isai 5:3

Wani ki tchetchemba, agi suma nga kaka avo Jerusalem-ma ki suma Juda-na, agi kami sariyad’a adigami ki guguzlu manda.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Matiye 7:25

Alona mi se, mbiyo ma kä na mi kuza, babarâ mi le bibik giget gong ndata mi, wani ti to nga kä d’i, kayam mi gat ad’ut ni yam ahinad’a.

Vama ndum mbeina 16:20

Tila pet ti blas seyo, sa nga mi wahinad’a d’uo d’a.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.