Sawal la giled’a 46:2 - Bible azumeina

² Alona ni ma ei ngeyei tei atama, mi nad’eng meid’a, mi nga go á ndjuni teteu ata yima ndaka nga d’i mbana.

Sawal la giled’a 46:2 ပူးပေါင်းရင်းမြစ်များ

2 Samuel 22:3

Alo mana nahina man nda an ngei tan kuad’a, mam mi mbarei manda, mam mi ad’eng nga sud’unda, mam mi yima an sut tan kuana. Ma sud’una, ang sud’un ndei kur yima tchona.

Sawal la giled’a 142:6

Ma didina, an nga ni yangî angû, an nga ni dala: Angî yi man ma ngeid’a, angî b’rau manda aduk suma a nga ki irazi yam andagad’ina.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 27:3

Le b’ranga ndjar á dur ki sed’en pî, an mba ni le mandar ri; le azi tchol á dur ayîna ki sed’en pî, vunadigan mba d’i tumun nduo mi.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 37:39

Ma didina ni ma sut suma d’ingêrîna, mam mi ma ngomozi kur bur ma ndakina.

Sawal la giled’a 59:17

Wani an mba ni hle sawala yam ad’eng manga; gagazi, yorogo an mba ni de woi yam o mang nga didinda, kayam angî gulumun man ma ngeid’a, angî yi man ma ngeid’a kur bur ma ndaka mi.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Sawal la giled’a 62:9

Agi suma, agi tinigi hurugi kam kur atchogoi d’a lara ge pet, agi dagizi zla d’a kurugid’a, kayam mam mi yi mei ma ngeid’a. Tchol ndjö

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

Sawal la giled’a 91:2

Mi ndak á de mi Ma didina ala: Angî yi man ma ngeid’a, angî gulumun ma sud’una, angî Alo man ma an tin hurun kangâ.

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Matiye 21:21

Jesus mi hulong dazi ala: Gagazi, an nga ni dagiya, le agi nga ki he gagazid’a bei gigrita ni, agi mba lagi ni vama le ki tuluma wana go d’i, wani le agi dagi mahina d’a wanda ala: Ndak pat tak ge tak kur alum ma ngolâ pî ni, mba d’i pat mi.

Wana ni Zla d’a Djivi d’a Luc mi b’irita 21:33

Akulod’a kandagad’a a mba kal leyo, wani zla manda mba d’i kal lei d’i.

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?