Sawal la giled’a 45:8 - Bible azumeina

⁸ Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Sawal la giled’a 45:8 ပူးပေါင်းရင်းမြစ်များ

1 Amuleina 22:39

Sunda hi Ahap pa ara kahle suma mi lazina pet ki gong nga mi minit mi d’udjot ki sï ahlo’îd’a kazì ma mi minima, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

Sawal la giled’a 11:7

Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.

Sawal la giled’a 150:4

Agi gilegizi ki daliyâd’a ki ndjongâ, agi gilegizi kadingâ ki taulâd’a.

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 45:15

A nga it mamulâ ki baru mat ma d’udjod’a teteng máma atad’u; ti nga d’i i ki ndrot yuguneina gen amulâ.

Sawal la kal teglesa 1:13

Ang ma an le kang heîna, angî d’igi mir ma his ma afufuî ma djinda muguluk ma nga ged’a vunadigana na.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Sawal la kal teglesa 3:6

Ti dala: Ni nge mi djï hur fulâ d’igi andos ma pat akulona na, d’igi hisâ hi mirâ ki mbul ma his ma afufuî ma lara ge ma hi suma mbut abozina na ge?

Sawal la kal teglesa 4:6

Ata yima afata b’leng anguzuna mi kal leina, an mba yam ahina d’a mirâ mi nga kuad’a, yam yima nding ma dubang ma his djivid’ina nga kuana mi.

Sawal la kal teglesa 5:1

Mi dala: Aman nda hurun vak heîd’a, Gola! An nga ni kal kur asine mana, an nga ni gul mir mana, ki mbul man ma his ma afufuîna, an nga ni te se ayuma ki mbul ayum mana, an nga ni tche süm guguzlu manda kambir manda mi. Buniyôzina a dala: Buniyômina, agi tagiya, agi tchagiya, agi gurud’ugi woi ki od’a d’igi suma a gurut ki süma na.

Sawal la kal teglesa 5:13

Agozlomî d’igi asine ma a pe agu ma his ma afufuîna kua tetengâ na. Vunam ma dalalâ ni d’igi tamas sa mirâ nga mi djang ngei kuad’a na mi.

Sawal la kal teglesa 5:5

An tchol akulo á mal vuna mi ma an le kam heîna. Mir ma abona nga mi sor kä ma ata tchitchid’ana, mi yam mbei ata kawei ma ata bapmina.

Amos 3:15

An mba ni to azì ma andolâ kazì ma vun simetnina kä woyo. Azì ma a d’udjom ki sï ahlo’îna mba mi b’lak keyo, azina hi suma nglonina a mba tom kä woi ndjandjap. An Ma didina ni de na.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Jean 14:2

Kur azina hAbuna yima kaka nga ngola. Ladjï na d’uo ni, an dagiya wa. An nga ni i á min yina kagiya.

Jean 19:39

Nikodem ma i gen Jesus andjege adjeuna, mi mba ki mbul mir ra hlumba ki alowena, anegem ni d’igi kilona dok hindi na.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.