Sawal la giled’a 45:15 - Bible azumeina

¹⁵ A nga it mamulâ ki baru mat ma d’udjod’a teteng máma atad’u; ti nga d’i i ki ndrot yuguneina gen amulâ.

Sawal la giled’a 45:15 ပူးပေါင်းရင်းမြစ်များ

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 56:5

An mba ni b’irizi simiyêzi kur gulumuna hi gong man nda kud’orina an mba ni yazi ki simi ma djivi ma kal simina hi gro andjofâ ki ma hi gro aropmina, an mba ni tinizi simi ma didin ma bei tchum mbei ba na mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Ezekiyel 16:10

An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu.

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.