Sawal la giled’a 44:2 - Bible azumeina

² Alo mamina, ami humumi ki humamiya, abuyomi ngolo a dami zla sun nda ang lat kur atchogoi mazid’a avok dedeid’a.

Sawal la giled’a 44:2 ပူးပေါင်းရင်းမြစ်များ

2 Samuel 23:12

Wani Samma mi ar tchola kur asinena á ngomomu, mi tchi Filistê-na. Ma didina mi hum ad’enga mi kus ayî ma ngolâ.

2 Samuel 7:10

An b’rau yina mi man suma Israel-lâ, an hazi yima kaka, kayam azi giget ti, an ar suma tchona a hulong djobozi nga vunazi d’igi a djobozi vunazi adjeu na d’uo d’a.

Sawal la giled’a 105:44

Mi hazi andagad’a handjaf suma dingîd’a, mi hazi ahle suma sum ndazina a le sunda kazina hawa,

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Buzuk ka Abud’a 15:17

Ma didina, ang mba i ki sed’ezi á tinizi yam ahina mang nga ang mba tat djonid’a, yam yima ang min á kaka kuana, yam yima ang tanga gäd’u yima a mba kud’urong kuanina.

Buzuk ka Abud’a 15:19

Kayam akulumeina hi Faron-na ki pus mam ma dur ayîna ki mam suma djang akulumeina a tchuk kä hur alum ma ngolâ. Ma didina, ang kus mbiyo alum ma ngolâ kä kaziya, wani Israel-lâ a tit aduk alum ma ngolâ kasezi sod’a tchitching.

Buzuk ka Abud’a 23:28

An mba ni sun azlanguru ma ahlogahlo’â avorogiya; mba mi dik suma Hef-fâ, suma Kanan-na ki suma Het-na woi avorogiya.

Buzuk ka Abud’a 34:11

Ang gol tang djivi ki vun ma he ma an nga ni hangzi inina. An mba ni dik suma Amor-râ, suma Kanan-na, suma Het-na, suma Peris-sâ, suma Hef-fâ ki suma Jebus-sâ woi avorogiya.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Jeremi 32:23

Azi mba, a hlad’u, wani a humung nga vunang ngi, a tit nga yam gat manga d’i, a le nga ahle suma ang hazi vuna kazi á led’ina d’uo mi. Ni kayam ndata ba, ang mba ki ndak ka wanda kazi wana.

Ndumba 13:32

A de ki delezi akulo avok Israel-lâ yam ambas sa azi d’ud’ï d’a ala: Ambas sa ami tid’imi kat á d’uta nambas sa nga d’i tchi suma a nga kaka katna woid’a. Suma katna pet suma ami wazina ni suma fuyogeina.

Gat ta a hat á mbàd’id’a 32:7

Agi djib’eregi yam bur ma adjeuna, yam atchogoi d’a kal leid’a, agi djobogi simiyêgi ki momorogei magina; azi mba vagi ad’ud’a yam ahle suma kalâ.

Gat ta a hat á mbàd’id’a 4:38

Mi dik andjaf ma kalagi kablaud’a kad’engina woi avorogi á kalagi kur ambas mazid’a á tat djona d’igi agi wagi ini na.

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Josue 11:23

Josue mi yo ambasa pet d’igi Ma didina mi he vuna mi Moise na. Josue mi b’rau ambasa mi Israel-lâ ad’u andjavaziya, ad’u andjavaziya. Ata yi máma ambasa kak ki halasa bei durâ.

Josue 21:43

Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u.

Josue 24:12

An sun azlanguru ma ahlogahlo’â ata amulei suma Amor suma mbà ndazina avorogiya, mi digizi woi avorogi dei; nga ni ki mbigeu magi d’a fiyak kuo mi na, nga ni ki yeû magi d’uo mi.

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Suma ka sariyad’a 6:13

Zedeyon mi hulong dum ala: Hawa yak! Le Ma didina mi nga ki sed’emiya ni, ni kayam me ba, ahle suma tchotcho ndazina a mba kami na ge? Ahle mam suma yoyou suma mi lazi suma abuyomi ngolo a dami kazi ala: Ni Ma didina ba, mi buzugumï woi kur Ezipte d’uo zi ge na, a nga ni lara ge? Ki tchetchemba, Ma didina mi arami woyo, mi hami wa woi abo suma Madiyan-na.