Sawal la giled’a 43:2 - Bible azumeina

² Alo mana, angî ma ndjununa. Ni kayam me ba, ang gan ndei na ge? Ni kayam me ba, ang aran kur ndaka abo man suma djangûna na ge?

Sawal la giled’a 43:2 ပူးပေါင်းရင်းမြစ်များ

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Sawal la giled’a 140:7

Ma didina, an nga ni dangû, angî Alo mana, Ma didina, ang tin humang hum tchen man nda hud’a.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 31:4

Kayam angî ahina manda, angî gulumun man ma ad’engâ, kayam simiyêng ang mba tinin kur lovota, ang mba d’obon mi.

Sawal la giled’a 42:10

Alo ma ndjununa, an nga ni dangû, ni kayam me ba, ang maran ndei ge? Ni kayam me ba, ang aran kur ndaka abo man suma djangûna na ge?

Sawal la giled’a 42:9

Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.

Sawal la giled’a 44:9

Ami nga suburung burâ ki burâ, ami mba gileng simiyêng gak didin. Tchol ndjö.

Sawal la giled’a 71:9

Ki tchetchemba, an djeng wa mamara da’, ar ang noyôn ndei d’i, ata yima ad’engên nga d’uo na, ang aran ndei d’uo mi.

Sawal la giled’a 77:7

Kur andjeged’a an nga ni djib’er yam sawal manda, an nga ni dugud’ot kurun krovo, muzugan nga mi fek ad’u ahle ndazina ala:

Sawal la giled’a 88:15

Ma didina, ni kayam me ba, ang zud’un ndei ge? Ni kayam me ba, ang ngei tang avoron nge?

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Buzuk ka Abud’a 15:2

Ma didina nad’eng manda; ni mam ba, an ni gilemu. Ni ma sud’una; NAlo mana, an mba ni suburumu. Mam mi Alona habuna, an mba ni hum ngola.

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Filip-ma 4:13

An ndak á lahlena pet yam ad’eng nga Christ mi handjid’a.