Sawal la giled’a 42:5 - Bible azumeina

⁵ Wani an nga ki djib’era ki hur ma hata ata yima an nga ni i adjeu ki suma ablaud’a kur gonga hAlonid’a kur bur ma vun tilâ á suburum á lum mersina.

Sawal la giled’a 42:5 ပူးပေါင်းရင်းမြစ်များ

Wana ni mbaktumba hi Job-pa 13:15

Le mi min á tchan pî, an nga ni ar hur man ma tin ma kama woi d’i, wani an mba ni väd’u zla manda woi avoromu.

Sawal la giled’a 35:14

An le hina kazi d’igi an le ni yam banana d’oze wiyena na, an tchok yan kä nga ni yor tan d’igi sana mi tchi hor asum na.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Sawal la giled’a 38:6

Mbilin mi bu heî, mi his mi, ni kayam lili manda.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Sawal la giled’a 44:3

Ang dik andjaf suma woi á hazi yima kaka, ang b’lak andjaf suma woi á arazi yima kaka mi.

Sawal la giled’a 56:11

Alona, an nga ni gileng yam zla d’a ang data. Gagazi, Ma didina, an nga ni gileng yam zla ndata.

Sawal la giled’a 56:3

Burâ ki burâ man suma djangûna a nga digin ad’unu, azi nablaud’a a nga durun ayîna ki subur tad’a.

Sawal la giled’a 61:2

Alo mana, ang hum tchi mana, ang tin humang hum tchen manda.

Sawal la giled’a 71:14

Wani an tin hurun kangî ki iran fafat, an mba ni gileng teteu.

Sawal la giled’a 77:3

Ata yima an nga kur ndakina, an nga ni hal Salad’a, kur andjeged’a an nga ni tchenem bei kaud’a ba, an noî b’leng hurâ woi mi.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Ndumba 6:26

Ar Ma didina mi tagagi djivi mamba, ar mi hagi b’leng nga halasa mi!

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Matiye 26:38

Ata yi máma, mi dazi ala: Hurun b’lak kakazeî á matna; agi kagagi ka hî ki ndjola zlapa ki sed’enu.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.