Sawal la giled’a 42:4 - Bible azumeina

⁴ Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 42:4 ပူးပေါင်းရင်းမြစ်များ

2 Amuleina 18:30

Nga mi dala: Ma didina mi ndak á ei tini huri kamu. Mba mi sud’i woyo, mba mi ar amul ma Asiri-na mi hlazì mei ma ngolâ d’i.

2 Amuleina 18:32

Agi kagagi hina djang, gak an mba ni yogi ni igi kur andaga d’a d’igi magid’a na d’a, kur andaga d’a geme ma lavungôna kat heîd’a ki guguzlu d’a le süma ki olif ma yor mbulâ ki mbul ayuma a nga kat mi d’a. Ar agi bogi ka hî d’i, agi mba kagagi ki arid’a sä hî. Ar agi humugi zlad’a hi Ezekiyas-sa d’i, kayam nga mi dagi ala Ma didina mba mi sud’ugiya, wani mi vid’igi ni woyo.

2 Sunda Hamuleinid’a 7:10

Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.

Wana ni mbaktumba hi Job-pa 29:2

An le ni nana ba, ni kak d’igi an kak adjeu d’a Alona nga mi ngomonda na ge?

Sawal la giled’a 100:4

Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

Sawal la giled’a 102:10

An te butna ni d’igi avuna na, an tche ahlena ni ki simina aduk mi.

Sawal la giled’a 115:2

Ni kayam me ba, andjaf suma dingâ a nga dala: Alo mazina mi nga ni lara ge ge?

Sawal la giled’a 122:1

Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

Sawal la giled’a 122:8

Yam b’oziyona azi ki buniyôna, an mba ni dala: Ar halasa kak kurugu!

Sawal la giled’a 55:14

Wani ni ang ndran ma ndeina, ni ang banan ma tita.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Sawal la giled’a 79:10

Ni kayam me ba, ang ar andjaf suma dingâ a nga dala: Alo mazina mi nga ni lara ge ge? Ar suma a we woi pid’ak avoromi ala ang nga sä atchugul azungeî mang suma a tchazina.

Sawal la giled’a 80:6

Te ma ang hamizina ni tchina, ami nga tchami simi ma iramina d’igi sana mi tche mbina na.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Ezekiyel 46:10

Ata yima suma a kal krovona, amulâ mi kal krovo mi; ata yima suma a buzuk keina, amulâ mi nde woi ki sed’ezi mi.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Wana ni mbaktum mba a b’irit yam Rut-ta 1:21

An tchol ka hî ni kahlena abon oîd’a, wani Ma didina mi hulongônï abon hawa. Agi yan ala Naomi d’uo d’a, kayam Ma didin ma ad’engêm kal petna mi mbud’un hohoud’a; hat hur mana mi tcholï natamu.