Sawal la giled’a 37:7 - Bible azumeina

⁷ Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Sawal la giled’a 37:7 ပူးပေါင်းရင်းမြစ်များ

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Wana ni mbaktumba hi Job-pa 35:14

D’igi ang nga de ki vunang ala ang wum nga d’uo na, wani zla manga ni woi abu pid’ak iramu. Ang djubumu!

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 40:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 50:8

Ni yam ahle magi suma ngat buzuna ba, an nga ni ngobogi d’i, kayam agi nga han he d’a hawa magi d’a ngala teteu.

Sawal la giled’a 62:1

Ni sawal la gile d’a David mi hlat mi hat mi ma ngolâ hi suma hle sawalina ki Jedutun.

Sawal la giled’a 62:5

Agi ndjagagi vunagi ná zud’um kä kur ngol mamba, tagi nga d’i lagi djivid’a ni yam zla d’a kad’a, agi b’agi vunagi yam suma ni ki vunagiya, wani kurugi krovo agi nga yagi nahlena kaziya. Tchol ndjö

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Jonas 1:11

Ami langî nana ba, aluma mba mi tchol ge? A de hina ni kayam me aluma nga mi i avogovok ki sulula.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Josue 10:12

Kur bur máma Ma didina mi he suma Amor-râ abo Israel-lâ. Josue mi tchen Ma didina avok Israel-lâ, mi dala: Ndak afata, ndak tchol akulo yam suma Gabawon-na hina djang! Ang tilâ, ang tchol akulo yam Hor ra Ajalon-nda hina djang mi!