Sawal la giled’a 37:34 - Bible azumeina

³⁴ Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 37:34 ပူးပေါင်းရင်းမြစ်များ

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Sawal la giled’a 112:8

Mi nga mi tchol ngingring, nga mi ring mandar ri gak mi we kus sa yam mam suma djangûnid’a.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 25:13

Sa mama mba mi kak kur djivid’a, andjavam mba mi te yam andagad’a mi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Sawal la giled’a 37:9

Kayam suma asa’atna, a mba tchazi woyo, wani suma a nga djup Ma didinina a mba tandagad’a djona.

Sawal la giled’a 91:8

Ang kak tchugot gola, ang mba we ni nana ba, Alona mba mi wurak suma asa’atna ge?

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Zla d’a d’ogolâ 16:17

Suma d’ingêrâ a nga wal tazi woi ki tchod’a kur tit mazid’a, sama mi ngom tam kur tit mamba ped’etna mi nga mi ngomî ari mamba.

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.

Zla d’a d’ogolâ 29:16

Ata yima suma asa’atna a nga zulâ, tchod’a nga d’i zul avogovok mi, wani suma d’ingêrâ a mba gol puk mazid’a.

Isai 57:13

Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Matiye 24:13

Wani sama mi ve tam ad’enga gak ad’u dabid’ina, mba mi fe suta.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Gat ta a hat á mbàd’id’a 5:33

Agi tid’igi kur lovot ta Ma didina Alo magina mi tagagizid’a memet tala agi kagagi karid’a ki furîd’a agi tagi ngola tatâ yam ambas sa agi nga hlat wanda d’a.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 5:6

Kayam ndata, agi gagi yagi kä ad’u abo ma ad’enga hAlonina, kayam mam mba mi hlagi yagi akulo ata yima mi ngama.