Sawal la giled’a 34:4 - Bible azumeina

⁴ Agi hagi ngola mi Ma didina zlapa ki anu; ei pet suburum simiyêm mi.

Sawal la giled’a 34:4 ပူးပေါင်းရင်းမြစ်များ

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Sawal la giled’a 18:6

Ziyona hi yima azuleinina mi nguyun wa, dauna hi matnina mi nga gunda kä avoronu.

Sawal la giled’a 22:24

Agi suma d’engzengâ hi Ma didinina, agi suburugiziya; agi andjafâ hi Jakob-ma pet, agi gilemu; agi andjafâ hi Israel-lîna pet, agi hum ngola,

Sawal la giled’a 31:22

An nga ni subur Ma didina! Ata yima man suma djangûna a nguyun d’igi azì ma ngol ma a nguyum ki gulumun ma ad’eng ma ngunguna na na, mi tagan djivi mamba.

Sawal la giled’a 35:27

Ar suma tazi lazi djivid’a yam d’ingêr mandina a le furîd’a ki hur ma hapma burâ ki burâ, ar suma a min halasa hazong mangîd’ina a de bei ara ba ala: Ei suburi Ma didina!

Sawal la giled’a 40:17

Ma didina, ar suma pet suma a nga halangâ a le furîd’a ki hur ma hapma kangû, ar suma a le kayam sut mangina a de burâ ki burâ ala: Ma didina ni Ma kal papana!

Sawal la giled’a 46:2

Alona ni ma ei ngeyei tei atama, mi nad’eng meid’a, mi nga go á ndjuni teteu ata yima ndaka nga d’i mbana.

Sawal la giled’a 56:3

Burâ ki burâ man suma djangûna a nga digin ad’unu, azi nablaud’a a nga durun ayîna ki subur tad’a.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Jonas 2:2

Jonas mi nga kur kulufâ, mi tchen Ma didina Alo mama.

Matiye 7:7

Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Wana ni Zla d’a Djivi d’a Luc mi b’irita 11:9

An nga ni dagiya, agi tchenegiya, Alona mba mi hagiya; agi halagi va, agi mba fagiziya; agi dabagi vun gonga, a mba malagiziya.

2 Timote 1:7

Kayam Alona mi hei nga ni Muzuk ma mandarâ d’i, wani mi hei ni Muzuk ma mi hei ad’enga ki od’a ki ned’ina.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

1 Samuel 27:1

David mi de kurum ala: Bur tu Saul mba mi tchanu. Vama djivi nga kan ka hî d’i; hotei an i yam ambas sa Filistê-d’a á sut tanu. Hina wani, Saul mba mi aran bei hala yam ambas sa Israel-la. Hina wani, an mba ni sut tei abomu.