Sawal la giled’a 33:7 - Bible azumeina

⁷ Mi tok mbiyo alum ma ngolâ akulo yam tam ata yima tuna, mi tin zul la yiyika á togom kua.

Sawal la giled’a 33:7 ပူးပေါင်းရင်းမြစ်များ

Wana ni mbaktumba hi Job-pa 26:10

Mi ngui nga yina akulo yam mbina d’igi haga d’a aduk b’od’a ki nduvundid’a na.

Sawal la giled’a 78:13

Mi wal alum ma ngolâ woi aduk mbà kayam azi djak keyo, mi tchol mbina akulo gongzong d’igi sana mi ge damana na.

Buzuk ka Abud’a 15:8

Ki muzuk ka atchinanga, mbina mi tok akulo yam tamu; mbiyo ma d’id’ilima mi tchol akulo woi d’igi gulumuna na, abilâ mi b’al ad’enga ngingi kä kur aluma.

Zla d’a d’ogolâ 8:29

Ata yima mi nga hagad’a malum ma ngolâ tala mbina mi tchila woi yam yima ngamzina d’uo d’a, an nga. Ata yima mi nga ad’u andagad’ina, an nga mi.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Habakuk 3:15

Ang nga tit akulo yam alum ma ngolâ kakulumei mangâ, ang nga tit aduk mbiyo ma ngol ma nga mi sulul huhubupma mi.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.