Sawal la giled’a 33:12 - Bible azumeina

¹² Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Sawal la giled’a 33:12 ပူးပေါင်းရင်းမြစ်များ

2 Samuel 20:19

Azì ma ngol mamina nazì ma halas ma d’engzeng ma kalâ aduk azì ma Israel-lâ, wani ang nga hal á b’lak abu azì ma ngol máma woyo. Ni kayam me ba, ang nga hal á b’lak azina hi Ma didina máma woi ge?

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Sawal la giled’a 144:15

Suma a lazi hina na a le furîd’a; suma Ma didina nAlo mazinina a le furîd’a.

Sawal la giled’a 28:9

Ang sut sum mangâ, ang b’e vunang yam mang suma ang tazi djonina, ang poloziya, ang ngomozi burâ ki burâ.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Buzuk ka Abud’a 34:9

Mi dum ala: Salad’a, le ang wan hohowonu ni, ar ang tit adigamiya, kayam sum ndazina ni suma bei hum vuna, ang vat hurung ngei yam tchila mamid’a ki tcho mamid’a, ang mbud’umi sum mangâ mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.