Sawal la giled’a 31:4 - Bible azumeina

⁴ Kayam angî ahina manda, angî gulumun man ma ad’engâ, kayam simiyêng ang mba tinin kur lovota, ang mba d’obon mi.

Sawal la giled’a 31:4 ပူးပေါင်းရင်းမြစ်များ

Sawal la giled’a 124:7

Ei prud’i abozi ni d’igi alei ma mi prut tei avun dauna hi sama nduwandina na; dauna mi tchala; ei prud’i woyo!

Sawal la giled’a 140:5

Ma didina, ang ngomon abo suma asa’atna, ang ngomon abo suma murud’um suma a nga hal lovota á pugun kä na.

Sawal la giled’a 18:3

Ma didina nahina man nda ndjununda, ni gulumun ma ad’eng ma sud’una; Alo mana nahina man nda an ngei tan kuad’a, mam mi mbarei manda, mam mi ad’eng man nda sud’unda, mam mi yima an sut tan kuana.

Sawal la giled’a 19:14

Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Sawal la giled’a 23:3

Nga mi djan tan ndeyo, nga mi tinin kur lovot ta d’ingêra yam simiyêmu.

Sawal la giled’a 25:15

An nga ni tin iran yam Ma didina teteu, kayam nga mi pad’an asen ndei kur dauna.

Sawal la giled’a 35:7

Kayam ni bei zlad’a ba, azi gun abei mazid’a kä á vanu; ni bei zlad’a ba, azi djugot zula kä kan á tchanu.

Sawal la giled’a 57:6

Alo mana, ang tak ngol mang nga kal papad’a woi kur akulod’a, ar subur manga ti b’o woi yam andagad’a pet mi.

Zla d’a d’ogolâ 29:5

Sama nga mi läd’u ndrama ki zla d’a de d’a avunamba gogona, mi gunumî abeid’a kä avoromu.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

2 Timote 2:26

Azi mba mba kur we d’a irata á buzuk kei kur dauna hi Diable ma vazina, á le minda hAlonid’a mi.