Sawal la giled’a 30:2 - Bible azumeina

² Ma didina, an nga ni suburung kayam ang prud’un ndei avun matna, ang ar nga lovota mi man suma djangûna á san ad’un ndi.

Sawal la giled’a 30:2 ပူးပေါင်းရင်းမြစ်များ

Ad’u Tinda 20:17

Abraham mi tchen Alona; Alona mi sut Abimelek kamamba ki yugunei mama, kayam azi á vud’a.

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

Sawal la giled’a 118:18

Ma didina mi ngobonu, wani mi han nga abo matna d’i.

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Sawal la giled’a 147:3

nga mi b’leng hur suma huruzi b’la’â, nga mi djinizi mbilizi mi.

Sawal la giled’a 35:24

Ma didina, Alo mana, ang ka sariyad’a yam d’ingêr manga, ar azi le furîd’a kan nduo mi.

Sawal la giled’a 41:12

Le man ma djangûna mi kus kan nduo ni, an mba ni wala ang hurung vanu.

Sawal la giled’a 51:8

Wani vama ang minim ata sanina ni ge yam mba kä ki gagazid’id’a. Kur djib’er man nda kurun krovod’a an min ala ang tagan ned’a.

Sawal la giled’a 6:2

Ma didina, ang ngobon kayî mangâ d’i, ang gad’an kayî mang ma bibiliuna d’uo mi.

Sawal la giled’a 88:13

Na ni a mba we sun mang nga ndandala ki d’ingêr manga kur yima nduvun ma matna zu?

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.