Sawal la giled’a 30:11 - Bible azumeina

¹¹ Ma didina, ang humunu, ang wan hohowonu; Ma didina, ang ndjununu!

Sawal la giled’a 30:11 ပူးပေါင်းရင်းမြစ်များ

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

Ad’u Tinda 45:28

Israel mi dala: Zla ndata ndaga! Gorona Josef mi nga ki iram tua; an i ni wum tua ba, an mid’a.

2 Samuel 6:14

David nga mi lü avok Ma didina kad’engêm pet ki baru d’a efo d’a luluîd’a djinda furum mi.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

2 Sunda Hamuleinid’a 20:9

Le ndaka mba kamiya, nala, durâ d’oze ngopa d’oze tugud’ei d’a tcho d’a tchi matna d’oze baktarad’a ni, ami mba tcholomi avorong avun gong nga wanda kayam simiyêng mi nga kur gong ndata, ami mba yang á ndjunumi kur ndak mamid’a. Ang mba humumiya, ang mba sud’umi woi mi.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Sawal la giled’a 150:4

Agi gilegizi ki daliyâd’a ki ndjongâ, agi gilegizi kadingâ ki taulâd’a.

Sawal la giled’a 27:7

Ma didina, ang humun delenu, an nga ni yangû; ang wan hohowonu, ang hulongôn humba.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Sawal la giled’a 4:7

Suma ablaud’a a nga dala: Ni nge ba, mba mi tagami djivid’a ge? Ma didina, ang tinï irang kamiya.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 25:3

Kayam ndata, suma ad’engâ a nga suburungû, suma kur azì ma nglona handjaf suma suma a nga te yam suma kad’engina a nga lang mandarang mi.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 52:33

Mi he vuna mi Jojakin ala ar mi tchuk baru ma dangeina atam mbi, ar mi te tena yam tabulâ hamulîna burâ ki burâ ata yima mi nga ki iram tua na pet.

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.