Sawal la giled’a 3:3 - Bible azumeina

³ suma ablaud’a a nga de kan ala: Alona mi dok ndjunum mbuo d’a. Tchol ndjö

Sawal la giled’a 3:3 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 40:13

Ar burâ hindi, Faron mba mi vat hurum mbei kangû, mba mi hulongông kur sun manga. Ang mba hum süma d’igi ang humzi avok dei na.

2 Amuleina 18:30

Nga mi dala: Ma didina mi ndak á ei tini huri kamu. Mba mi sud’i woyo, mba mi ar amul ma Asiri-na mi hlazì mei ma ngolâ d’i.

2 Amuleina 18:32

Agi kagagi hina djang, gak an mba ni yogi ni igi kur andaga d’a d’igi magid’a na d’a, kur andaga d’a geme ma lavungôna kat heîd’a ki guguzlu d’a le süma ki olif ma yor mbulâ ki mbul ayuma a nga kat mi d’a. Ar agi bogi ka hî d’i, agi mba kagagi ki arid’a sä hî. Ar agi humugi zlad’a hi Ezekiyas-sa d’i, kayam nga mi dagi ala Ma didina mba mi sud’ugiya, wani mi vid’igi ni woyo.

2 Amuleina 25:27

Kur biza d’a dok hindi yam kid’iziya d’a bugol la a i ki Jojakin amul ma Juda-na magombid’a, Evil-Merodak mi kak amula yam suma Babilon-na. Kur biza d’a avok ka mi tamulid’a, kur bur ma dok mbà yam kid’iziyana kur til ma dogo yam mbàna hi biza ndatina, mi we hohowa Jojakin, mi ndumî woi kur dangeina.

Sawal la giled’a 110:7

Amulâ mba mi tche mbiyo toliyonda iram glovoyo. Ni kayam ndata ba, mba mi yo djedjerem akulo.

Sawal la giled’a 119:114

Angî yan ma ngeid’a, angî mbarei manda; an tin hurun ni yam zla manga.

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 27:6

Ki tchetchemba, an hle yan akulo yam man suma djangû suma a nguyuna, an mba ni he vama ngat buzuna ki furîd’a ngola kur zlub’u mamba, an mba ni ge sawala, an mba ni gile Ma didina mi.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 4:3

Agi suma, agi mba mbud’un zulona hina gak mindja ge? Agi min tchugun zlad’a kan hawa hina yak gak mindja ge? Agi hal dagi zla d’a kad’a kan hina gak mindja ge? Tchol ndjö

Sawal la giled’a 62:7

Mam tu nahina manda, ni sut manda, ni gulumun man ma ad’eng ma ngunguna; an nga ni le mandara va tu d’i.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.