Sawal la giled’a 28:2 - Bible azumeina

² Ata yima an nga ni yangâ, ata yima an nga ni yo abon akulo ir abo yi mang ma ang tinim iram vam ma kal teglesîna, ang hum tchen man nda hud’a.

Sawal la giled’a 28:2 ပူးပေါင်းရင်းမြစ်များ

1 Amuleina 6:19

Mi min hur gong nga sä a zut ndata á tin zandu’â hi Ma didinina kua.

1 Amuleina 6:5

Mi min gongîyo suma yam ndrozina akulona hindi, huyok gong nga ngola abo hî abo hî nguyut tei d’uhl.

1 Amuleina 8:38

le sama lara d’oze Israel-lâ pet, nge nge pî, mi we tugud’ei d’a tcho d’a mba kamba ba, mi yo abom akulo, mi tcheneng tchen nda hud’a kur gong nga wanda ni,

2 Sunda Hamuleinid’a 6:13

Avok bur máma, Salomon mi min yima tchola ki kawei ma hleuna, mi tinim krovo kur gulumuna. Fiyagamî metred’a mbà ki nusa, bubuwamî metred’a mbà ki nusa, fiyagam mba akulod’a ni metred’a tu ki nusa mi. Mi tchol akulo kamu, mi grif kä avok ablaud’a hi Israel-lîd’a pet, mi yo abom akulo mi tchen Alona ala:

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 130:2

Ma didina, ang humun delenu! Ang tin humang djivid’a á hum tchen manda!

Sawal la giled’a 134:2

Agi yogi abogi akulo yam yima a kud’urom kuana, agi suburugi Ma didina.

Sawal la giled’a 138:2

An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

Sawal la giled’a 140:6

Suma yam mba ad’enga a nga gun dauna kabeid’a kä avoronu, a nga gun abei kelegeuna kä avun lovota kanu, a nga burun kä á tchanu. Tchol ndjö

Sawal la giled’a 141:1

Ni sawal la gile d’a David mi hlata. Ma didina, an nga ni yangû, ang mbeï geven atogo zak. Ata yima an nga ni yangâ, ang tin humang humun delenu.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Sawal la giled’a 143:6

An yo abon akulo avorong á tchenengû, an nga ni hat hurun kang d’igi andaga d’a sod’a nga d’i hat hurut yam mbina na. Tchol ndjö

Sawal la giled’a 5:7

Ang nga tchi suma ka zlad’a woyo; Ma didina, suma tchi suma ki suma mbut ira, ang nga golozi is.

Sawal la giled’a 63:4

Kayam o mang nga didinda kal kak kä karid’id’a, an mba ni suburungû.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Daniel 6:11

Ata yi máma sum ndazina a mba ki siwela gandjau, a fe Daniel nga mi tchen Alo mama ki hud’a.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.