Sawal la giled’a 26:8 - Bible azumeina

⁸ Ma didina, hurun ve yima ang nga kaka kuana, yima subur manga nga kuana mi.

Sawal la giled’a 26:8 ပူးပေါင်းရင်းမြစ်များ

2 Samuel 15:25

Amulâ mi de mi Sadok ala: Ang hulong ki zandu’â avo hur azì ma ngolâ. Le Ma didina mi wan hohowonu ni, mba mi hulongôn ni ka hî, an mba ni we zandu’â ki yi mam ma tinda tua.

1 Sunda Hamuleinid’a 29:3

Wani yam hat hur man ma yam gong nga kud’ora hAlo manid’a, an he lora ki kawei ma hapma suma an ni nga ki na, bei ndum ahlena pet suma an minizi yam yima a tinim iram vama ba.

2 Sunda Hamuleinid’a 5:14

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî hur gong mamba.

2 Sunda Hamuleinid’a 7:1

Ata yima Salomon vunam dap tchendina, akud’a ti tcholï akulo, ti ngal ahle suma ngat buzu suma ngala kahle suma ngat buzu suma zlap darigïd’a mi. Ata yi máma subura hi Ma didinid’a ti oî hur gonga.

2 Sunda Hamuleinid’a 7:2

Suma ngat buzuna a fe nga lovota á kal kur gong nga kud’ora hi Ma didinid’a d’i, kayam subura hi Ma didinid’a ti oî hur gong mamba.

Sawal la giled’a 122:9

Yam gong nga kud’ora hi Ma didina Alo meinid’a, an min ala: Ndak kak ki djivid’a!

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 84:10

Alo mamina, angî mbarei mamid’a; ang we, ang gol ir ma ang manama.

Isai 38:20

Ma didina mi sud’un wa. Ei mba gilem kur gong mamba kahle suma bud’a ata yima ei nga ki irei yam andagad’ina pet mi.

Isai 38:22

Ezekiyas mi djop wa ala: Ni simad’a me ba, an mba ni wala an mba ni kal kur gong nga kud’ora hi Ma didinid’a kua ge?

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Wana ni Zla d’a Djivi d’a Luc mi b’irita 2:46

Bugol bur ma hindina, a fum kur gong nga kud’ora hAlonid’a. Mi nga kak kä aduk suma hat suma, nga mi humuziya, nga mi djobozi mi.

Wana ni Zla d’a Djivi d’a Luc mi b’irita 2:49

Mi hulong dazi ala: Agi halan ni yam me ge? Agi wagi nga d’ala mbeî an kak kur gonga hAbunda d’uo zu?