Sawal la giled’a 25:5 - Bible azumeina

⁵ Ang tagan gagazi manga, ang had’an mi, kayam angî Alo ma sud’una, angî ma an tin hurun kang teteuna.

Sawal la giled’a 25:5 ပူးပေါင်းရင်းမြစ်များ

Ad’u Tinda 49:18

Ma didina, an djib’er ala ang nga sud’unu!

Nehemi 9:20

Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.

Wana ni mbaktumba hi Job-pa 36:22

Elihu mi de kua ala: Gola! Alona nga mi tak kal papa mamba woi kur ad’eng mamba. Ni nge ba, mba mi we á hat suma d’igi mam na ge?

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 119:26

An vang ad’u zla manda; ang humunu, ang had’an gat manga.

Sawal la giled’a 119:33

Ma didina, ang had’an lovota hi gat mangid’a kayambala an ngomot gak dabi manda d’a.

Sawal la giled’a 119:66

Ang had’an wad’ud’a ki ned’a, kayam an tin hurun ni yam vun mang ma hed’a.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Sawal la giled’a 22:2

Alo mana, Alo mana, ni kayam me ba, ang aran ndei ge? Ni kayam me ba, ang wal lei dei ki sed’en á ndjunun nge? Ni kayam me ba, ang hum tchi mana d’uo ge?

Sawal la giled’a 24:5

Ma didina mba mi b’e vunam kamu; Alo ma sud’uma mba mi de woi kam ala ni sama d’ingêrâ.

Sawal la giled’a 25:10

Lovota hi Ma didinid’a pet ni od’a ki d’engzenga yam suma a nga ngom vun mam ma djinda ki vun mam ma hed’ina mi.

Sawal la giled’a 25:8

Ma didina ni ma djivi ma d’ingêrâ. Ni kayam ndata ba, nga mi tak lovot ta d’ingêra mi suma tchona.

Sawal la giled’a 68:20

Ar ei suburi Salad’a burâ ki burâ! Ata yima a nga lei ndakina, mi prud’i woi ni mamu. Tchol ndjö

Sawal la giled’a 79:9

Alo mami ma suta, yam subur manga, ang mbeï ndjunumiya; yam simiyêngû, ang prud’umi woyo, ang vat hurung ngei yam tcho mamid’a mi.

Sawal la giled’a 86:3

Ma didina, ang wan hohowonu, kayam an nga ni tchi kang kur burâ kaf.

Sawal la giled’a 88:1

Ni sawal la gile d’a Kore groma a hlat ki taulâd’a a hat mi ma ngolâ hi suma hle sawalina. Ni sawal la gile d’a Heman ma Esara-na mi hlata.

Zla d’a d’ogolâ 23:17

Ar ang le d’od’oka yam tcho d’a suma le tchod’a a nga lata d’i, wani ang le ni mandara Ma didina burâ ki burâ.

Zla d’a d’ogolâ 8:34

Sama nga mi humuna ma nga tchola avun agrek mana burâ ki burâ ma nga tchola ndjola avun aziyana, mi le furîd’a.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 16:13

Fata Muzuk ma tak gagazid’a hAlonid’ina mbad’a, mba mi tagagi gagazid’a pet, kayam mam mba mi de zlad’a ni yam tam mbi, wani ahle suma mam humuzina pet ba, mba mi dagiziya, mba mi tagagi ahle suma a nga mbana mi.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

Romê-na 8:14

Kayam suma pet suma Muzu’â hAlonina nga mi tagazi lovotina, azi nAlona groma.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.