Sawal la giled’a 25:10 - Bible azumeina

¹⁰ Lovota hi Ma didinid’a pet ni od’a ki d’engzenga yam suma a nga ngom vun mam ma djinda ki vun mam ma hed’ina mi.

Sawal la giled’a 25:10 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 24:27

mi dala: An le mersi mi Ma didina Alona hi salana Abraham ma tak djivi mamba ki d’engzeng mamba woi mi salanina; mi ngomon kur lovota gak mi mban avo hi salana Abraham wiyema.

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

2 Samuel 15:20

Ang mbeï ni kama kama, an i ki sed’eng ini, abo hî, abo hî, ata yima an wum nga ala an i ni yi hî d’uo na zu? Ang hulong ki b’oziyongâ avo. Ar Ma didina mi wang hohowong mi lang djivid’a.

Sawal la giled’a 138:7

Le an i avok kur ndaka ni, ang nga ndjununu, ang nga ngop man suma djangûna kur ayî mazina, ang nga mad’ï abong ma ndjufâ á sud’unu.

Sawal la giled’a 33:4

Kayam zla d’a ded’a hi Ma didinid’a ni d’ingêr, sun mam mba led’a pet nata yat mi.

Sawal la giled’a 40:11

An ngei nga d’ingêr manga kä kurun ndi, an nga ni de zla d’engzeng manga ki sut manga woyo, an nga ni ngei o mang nga didinda ki gagazi manga kä aduk toka hablau sumid’a d’uo mi.

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Sawal la giled’a 57:3

An nga ni yang ang Alo ma sä akulo ma kal teglesâ, ang Alo ma nga lahlena pet kana.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Sawal la giled’a 89:14

Ni bigang ang ba, tad’enga kal pet, nabong ang ba, mi sib’ika kal pet, abong ma ndjufâ, mi nga zid’a akulo mi.

Sawal la giled’a 91:14

Ma didina mi dala: Kayamba mi le kanda, an mba ni prud’um mbeyo, an mba ni ngomom mi, kayam mi wan ndei tetet.

Sawal la giled’a 98:3

Humam gum yam o mam mba didinda, yam d’engzeng mam mba yam azì ma Israel-lîd’a. Andagad’a vunat ma dabid’a pet, ti we suta hAlo meinid’a.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Sunda hi suma a sunuzinid’a 10:35

Wani aduk andjaf ma lara ge petna sama lara ma nga mi lum mandaram ma nga mi le d’ingêrina, ni ma Alona tam mbi lum djivid’a kama.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jacques 5:11

Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.