Sawal la giled’a 24:2 - Bible azumeina

² Kayam mi gat ad’ut ni yam alum ma ngolâ, mi b’alat kä ad’enga ngingi yam mbina.

Sawal la giled’a 24:2 ပူးပေါင်းရင်းမြစ်များ

Ad’u Tinda 8:22

Ata yima andagad’a nga tua na, zara nga, duta nga mi, zumala nga, ab’lenga nga mi, vun simetna nga, amenda nga mi. Faleid’a kandjeged’a a mba kal lei d’i.

Wana ni mbaktumba hi Job-pa 38:4

Ma didina mi de mi Job kua ala: Ata yima an gäd’u andagad’ina, ang nga ni lara ge? Le ang we woi teted’u ni, ang vandji ad’ud’a.

Sawal la giled’a 136:6

Mam mi ma tin andagad’a akulo yam mbinina, kayam o mamba nga d’i dap pi.

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Sawal la giled’a 89:12

Akulod’a ni manga, andagad’a ni manga mi, duniyad’a ki zlat pet kahle suma kurutna pet, ni ang ba, tinit ad’ud’u.

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Sawal la giled’a 95:4

Mam mi ma zul la yiyika handagad’id’a nga aboma; ahuniyôna yazi d’a keked’iwurenga ni mamba mi.

Sawal la giled’a 96:10

Agi dagi mandjaf suma pet ala: Ma didina nga mi tamula. Ni kayam ndata ba, andagad’a ti nga kaka ngingring, nga d’i giget tuo ni na. Mi nga mi ka sariyad’a yam andjaf suma ki d’ingêra.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.