Sawal la giled’a 24:1 - Bible azumeina

¹ Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 24:1 ပူးပေါင်းရင်းမြစ်များ

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

1 Sunda Hamuleinid’a 29:16

Ma didina Alo mamina, ni ang ba, hami ahle suma ndjondjoî suma ami minizi á mining gonga ki simiyêng ma bei tchod’ina pet ni angû. A tcholï natang angû, ahlena pet ni mangâ mi.

2 Sunda Hamuleinid’a 25:9

Amasiya mi de mi sana hAlonina ala: An mba ni fe ni me yam bege man nda hap pa go ki tonna hindi d’a an hat mi azigar suma Israel-lîd’a ge? Sana hAlonina mi hulong dum ala: Ma didina mi nga kad’enga á hang bege d’a kal ndatid’a!

Wana ni mbaktumba hi Job-pa 34:13

Ni nge ba, mi hum andagad’a abom á te kat ke? Ni nge ba, mi tinim yam andagad’a ki zla tat pet ke?

Wana ni mbaktumba hi Job-pa 41:11

Andosâ nga mi buzuk kei atchinam d’igi vama nga mi yaku kur deinina na, d’igi dei ma akud’a gum kukurangâ na mi.

Wana ni mbaktumba hi Job-pa 41:3

An nga ni ba bei de zlad’a yam ir hliwim mboze sib’ik mamba ki djif mama d’uo mi.

Sawal la giled’a 50:10

kayam ahle suma ari suma aduk agud’ina pet ni mana, ahle suma ari suma yam ahuniyô suma dubuna pet ni mana mi.

Sawal la giled’a 50:12

Ladjï meid’a tchan ni tchiya pî, an mba ni dagi ni agi mbeî d’i, kayam duniyad’a ni manda kahle suma a nga oîd’a kurutna pet mi.

Sawal la giled’a 89:11

Angî ma tileî suma Ezipte-na kä d’igi sana mi tileî harâ kä na na, ang ndjoî mang suma djangûna woi kad’eng manga.

Sawal la giled’a 89:12

Akulod’a ni manga, andagad’a ni manga mi, duniyad’a ki zlat pet kahle suma kurutna pet, ni ang ba, tinit ad’ud’u.

Sawal la giled’a 98:7

Ar alum ma ngolâ mi oî d’igi azlona na kahle suma kuruma pet, andagad’a kahle suma nga katna pet mi.

Buzuk ka Abud’a 19:5

Ki tchetchemba, le agi humun vunanu, agi ngomogi vun man ma djinda ni, aduk suma yam andagad’ina pet agi mba mbud’ugi ni sum mana, kayam andagad’a pet ni manda.

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

1 Korente-na 10:26

D’igi mbaktumba hAlonid’a ti de na ala: Andagad’a kahle suma kurutna pet a ni hi Ma didinina.

Gat ta a hat á mbàd’id’a 10:14

Gola! Akulod’a pet, andagad’a kahle suma kurutna pet ni suma hi Ma didina Alo maginina.