Sawal la giled’a 23:5 - Bible azumeina

⁵ Ang nga minin te mana kä avoron ir man suma djangûna. Ang b’e vunang kanu; angot man nda tche mbina ti oî nga d’i sulul kä woyo.

Sawal la giled’a 23:5 ပူးပေါင်းရင်းမြစ်များ

Wana ni mbaktumba hi Job-pa 36:16

Alona mba mi pad’ang ngei kur ndak manga, mba mi tining ata yima djivi ma bei va mi lang kua ba na, yam tabul mangâ, mba mi oî kahle suma mbulâ mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 116:13

An mba ni mba ki he d’a hawa d’a süm guguzlud’a mi Ma didina á suburumu, kayam mi sud’un ndei avun matna, an mba ni yi simiyê Ma didina mi.

Sawal la giled’a 16:5

Ma didina, te mana ki tche manda a tcholï natangû, ni ang ba, nga ngom yi man ma kaka.

Sawal la giled’a 22:26

Ma didina, ni kayam ang ba, an mba ni gileng aduk tok ka ngola hi sumid’a; an mba ni ndak vun vun ma hle ma an hlangzi avok suma a lang mandarangâ.

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 78:19

Azi nga de zla d’a tchod’a yam Alona ala: Na ni Alona mi ndak á hei tena abagei hur fulâ zu?

Sawal la giled’a 92:10

Ma didina, gola! Mang suma djangûna pet a mba ba woyo, suma bei d’ingêra a mba b’rau woi yayak mi.

Sawal la giled’a 92:11

Ang mbud’un ad’enga d’igi avüna na, ang von mbul ma furîd’a kanu.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Matiye 6:17

Wani angû, ata yima ang d’el tang bei te tenina, ang le mbulâ kangû, ang mbus irang ngeyo,

Wana ni Zla d’a Djivi d’a Luc mi b’irita 7:46

Ang sad’an nga mbul kan ndi, wani ndat ti sad’an mbul ma his ma afufuîna asenu.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

1 Korente-na 10:16

Agi djib’eregi yam kop ma ei nga lei mersi mAlona kama. Ata yima ei nga tchuma, ei lei ni darigïd’a ki buzuna hi Christ-sâ d’uo zu? Avungô ma ei nga mbruguma, ata yima ei nga tuma, ei lei ni darigïd’a ki hliuna hi Christ-sâ d’uo zu?

2 Korente-na 1:21

NAlona tamba ba, mi sirami ami ki agi yam Christ, mi tini irei vei mi.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.