Sawal la giled’a 22:6 - Bible azumeina

⁶ A tchi kangû; ang sud’uziya; a deng tazi atangû; a mbut nga zulona d’i.

Sawal la giled’a 22:6 ပူးပေါင်းရင်းမြစ်များ

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

Wana ni mbaktumba hi Job-pa 25:6

samala ni ndjuvulâ na, d’oze gor samala mi ni d’igi ndjuvul ma gorâ na na mba mi de kama na ge?

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Sawal la giled’a 31:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 31:11

An nga kur pupuluka, an nga ni zam tan bizad’a ki bizad’a, ad’engên dap wa woi abo tcho manda, asogon mi kus wa d’ad’ameî mi.

Sawal la giled’a 41:5

Wani an nga ni dala: Ma didina, ang wan hohowonu! Ang tcholon akulo, kayam an le tchod’a avorongû.

Sawal la giled’a 88:8

Ayî mangâ mi nek kanu, abiling van batei. Tchol ndjö

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Hor ma tchina 3:30

Ar mi mbut agozlom mi sama nga mi toma, ar suma a kragam ngula mi.

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.

Matiye 12:24

Kid’a Fariziyêna a hum hina d’a, a dala: Sa máma nga mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Jean 7:15

Juif-fâ a le atchap, a dala: Sa máma mi le nga hata yam tu d’uo ko mi na. Ni nana ba, mi we mbaktumba na ge?

Jean 7:20

Ablau suma a hulong dum ala: Ang wana nga ki muzuk ma tchona kurungû. Sama halang á tchid’a ni nge ge?

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Hebre-na 13:12

Kayam ndata, Jesus mi fe ndaka woi bugol azina á mbus suma woi yed’et ki buzuwamu.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.