Sawal la giled’a 19:7 - Bible azumeina

⁷ Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Sawal la giled’a 19:7 ပူးပေါင်းရင်းမြစ်များ

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 111:7

Sun nda mi lat kabomba ni gagazid’a ki d’ingêra; vun mam ma hed’a pet ni ma sana mi ndak á tin hurum kama,

Sawal la giled’a 119:105

Zla manga ni lalam mba b’o yina avoronda, naku d’a b’o hur lovot mandid’a mi.

Sawal la giled’a 119:111

Vun mang ma hed’a ni djo man ma te ma gak didina, kayam mam mi furî manda.

Sawal la giled’a 119:130

Ndäd’u zla mang nga woid’a nga d’i b’o yina, nga d’i he d’alâ mi suma bei wäd’u zlad’ina mi.

Sawal la giled’a 119:14

An mba ni le furîd’a yam tit ta ni tit yam gat mangid’a d’igi an nga ni kahle suma ndjondjoîna na.

Sawal la giled’a 119:152

An we woi adjeu dei ala vun mang ma hed’a ang tinimî á kak gak didin.

Sawal la giled’a 119:24

Vun mang ma hed’a ni furî manda; ni mam ba, mi dan d’alâ.

Sawal la giled’a 119:72

Gat ta ti ndeï avunanga, ti djivid’a kan an kal lora ki bege d’a hap pa dudubud’a.

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

Sawal la giled’a 18:30

Ni yam ad’eng manga ba, an nga ni nde b’rang nga ngola ayîna; ni yam ang Alo mana ba, an nga ni pir yam gulumun ma ad’eng ma ngunguna mi.

Sawal la giled’a 23:3

Nga mi djan tan ndeyo, nga mi tinin kur lovot ta d’ingêra yam simiyêmu.

Sawal la giled’a 93:5

Ma didina, vun mang ma hed’a mi ndak memet, ar ang tin gong manga irat vat gak didin.

Zla d’a d’ogolâ 1:4

Mi nga mi tak lovota mi sama bei wed’a á kak ki wed’a, á tak gor azongâ wed’a ki djib’er ra irata mi.

Isai 8:16

An ngom zla d’a mam dandjid’a kä, an b’al vun vama mi ndandji woina kä aduk man suma hata.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Sunda hi suma a sunuzinid’a 10:43

Suma djok vun Alona pet a le glangâsâ kam ala nge nge pî ma he gagazid’a kama, Alona mba mi vat hurum mbei yam tcho mamba ki simiyêmu.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 3:2

Vama ngol ma kal petna. Alona mi he zla mamba ni mi Juif-fâ adjewe.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

2 Timote 1:8

Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.