Sawal la giled’a 19:14 - Bible azumeina

¹⁴ Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Sawal la giled’a 19:14 ပူးပေါင်းရင်းမြစ်များ

Wana ni mbaktumba hi Job-pa 19:25

Wani an we ma ndjun kana, mi nga ki iramu. Kur bur ma dabid’a mam mba mi tchol akulo yam andagad’a.

Sawal la giled’a 104:34

Ar djib’er manda ti lang tang djivid’a. Ma didina, an min le furîd’a kangû.

Sawal la giled’a 119:108

Ma didina, ang ve tchen manda d’igi he d’a hawad’a na, ang had’an nga hur mangâ.

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 47:4

Ma wurak keina a yum ala Ma didin ma ad’engêm kal pet ma tin tam irat vat yam Israel-lîna.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.