Sawal la giled’a 18:7 - Bible azumeina

⁷ Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 18:7 ပူးပေါင်းရင်းမြစ်များ

Sawal la giled’a 34:16

Ma didina iram nga tinda yam suma d’ingêrâ, humam nga tinda á hum tchi mazina mi.

Sawal la giled’a 34:18

Ata yima suma d’ingêrâ a nga tchi ala mi ndjunuziya na, Ma didina nga mi humuziya, nga mi pad’azi woi kur ndak mazid’a pet mi.

Sawal la giled’a 39:13

Ma didina, ang hum tchen manda hum ngë, ang tin humang hum tchi mana, ang gol tchi man ma hat hurâ tä d’i, kayam an ni sama akoid’a avo hatangû, sama akoid’a d’igi abuyon ngolo na mi.

Sawal la giled’a 40:2

An tin hurun yam Ma didina; mi mbut iramu, mi hum tchi mana mi.

Sawal la giled’a 46:2

Alona ni ma ei ngeyei tei atama, mi nad’eng meid’a, mi nga go á ndjuni teteu ata yima ndaka nga d’i mbana.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Habakuk 3:6

Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Zakari 14:4

Kur bur máma mba mi tin asem yam ahina d’a Olif fa ngagad’a yam Jerusalem abo ma yorogonid’a. Ahina d’a Olif ndata mba d’i wak kä aduk mbà. Abot ma hina mba mi dadak kazigam abo ma norâ, ma hina mba mi dadak kazigam abo ma sutna mi. Hor ra ngola mba d’i ar adigaziya, mba d’i i irat abo ma yorogona kabo ma fladegena mi.

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

1 Korente-na 13:2

Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Suma ka sariyad’a 5:4

Ma didina, kid’a ang nde woi Seir-ra, kid’a ang mbeï hur ful ma Edom-mid’a, andagad’a ti yira, akulod’a ti lau woyo, d’ugula ti tchugul mbina mi.