Sawal la giled’a 18:6 - Bible azumeina

⁶ Ziyona hi yima azuleinina mi nguyun wa, dauna hi matnina mi nga gunda kä avoronu.

Sawal la giled’a 18:6 ပူးပေါင်းရင်းမြစ်များ

2 Samuel 22:7

Kur yor ta manda, an yi Ma didina, an nga ni yi Alo mana. Ata yam ma kaka mi humun delen kur gong mamba, tchi mana mi ndeza humamu.

2 Sunda Hamuleinid’a 30:27

Suma ngat buzuna ki suma hi Levi-na a tchola a b’e vunazi yam ablau suma; Alona mi humuzi delezi mi. Tchen mazid’a Ma didina mi humuttcha akulo ata yam ma kak ma yed’etna.

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Sawal la giled’a 120:1

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Sawal la giled’a 5:7

Ang nga tchi suma ka zlad’a woyo; Ma didina, suma tchi suma ki suma mbut ira, ang nga golozi is.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 55:5

Vunadigan ndi pat fek, an nga ni le mandara matna.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Habakuk 2:20

Wani Ma didina mi nga kaka kä kur gong mam mba kud’ora; ar suma yam andagad’ina pet a seng silil avoromu!

Marik 14:36

Mi de kua ala: Aba, Abunu, ahlena pet, ang ndak á laziya, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Sunda hi suma a sunuzinid’a 12:5

Azigarâ a nga ngom Pierre kur dangeina, wani suma toka a nga tchen Alona kam ki hat hurâ bei ara ba.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.