Sawal la giled’a 18:4 - Bible azumeina

⁴ An nga ni gile Ma didina, kayam me ata yima an yuma mi sud’un ndei abo man suma djangûna.

Sawal la giled’a 18:4 ပူးပေါင်းရင်းမြစ်များ

2 Sunda Hamuleinid’a 20:21

Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!

2 Sunda Hamuleinid’a 20:22

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

Sawal la giled’a 116:3

Matna mi d’ud’un wa ki ziyo mama; mandarâ hi yima azuleinina, mi van wa; djop vuna ki kid’eî ira a van wa mi.

Sawal la giled’a 124:4

Ladjï mi nga ki sed’ei d’uo ni, mbina mi hlubiya wa, aluma mi djang wa keya,

Sawal la giled’a 22:16

Delen nda horzlomba ti so kaka d’igi lubu ma ab’lorina na, sinan b’al akulo ata d’id’iganu, ang aran kä aduk guguma d’igi sama matna na.

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Matiye 26:47

Kid’a Jesus nga mi de zlad’a tua d’a, Judas ma aduk suma hat suma dogo yam mbàna, mi mbeï kablau suma ad’um ki mbuguyo suma fuyogeina ki tutuguyona aboziya. Azi ni suma suma nglo suma ngat buzuna azi ki suma nglona hi Juif-fâ a sunuzïna.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Sunda hi suma a sunuzinid’a 21:30

Suma hur azì ma ngolîna pet a tum akulo, a ringîya, a ve Paul, a tanam mbei abu kur gong nga kud’ora hAlonid’a. Ata yi máma na wat, a duk vun gong nga kud’ora hAlonid’a.

2 Korente-na 1:9

Ami djib’eremi kurumi ala ami mba bami ni woyo. Kayam ndata, ndak mamid’a ti zud’umi á tinimi hurumi yam ami tami d’i, wani ni yam Alo ma tchol suma matna akulona hol.